Planilandia está aqui!
O venres pasado foi día de tolos. Erguernos a primeirísima hora para ir distribuír Lugo. Resulta que no prelo se retrasara un pouco Planilandia e non daba chegado a Compostela, así que dixemos que mandasen os paquetes directamente á mensaxería de Lugo para facer a distribución aló aproveitando a feira do libro.
E ben, chegamos, distribuímos baixo a chuva, comemos e voltamos para Compostela a todo gas porque había máis compromisos. Un servidor tiña que ir correndo ao Centro Sociocultural de Fontiñas a participar nunha pequena exibición de esgrima antiga (si, o frikismo en Urco é de verdade, non de postureo). Despois da exibición tiña que vir Pablo para facer entre os dous unha pequena presentación da editora no propio centro sociocultural.
Vamos, que merecemos un premio. Volvendo a Planilandia, está distribuído en Lugo, como xa contei, e mais Ferrol, e ao longo desta semana contamos con que chegue ao resto de cidades (Compostela irá hoxe se deixa de chover).
Velaqui unha foto do libro. Non ten moi boa calidade, pero é que até que nos fagamos coa Urcocam é o que hai.
chuzame -
Filed under: Miscelánea, Novos libros por urcoeditora
Moi boas novas! Pódese mercar nalgunha libraría da Coruña ou de Pontevedra?
Pois no prazo duns poucos días si. De momento só está en Compostela, Ferrol e Lugo, pero esta semana contamos con rematar a distribución. Os nosos puntos de venda en Pontevedra son:
-Paz
-Escolma
-Michelena
-Seijas
-El Pueblo
-Clip
-Sen Verbas
Na Coruña non me sei a lista de memoria, pero seguro que en Couceiro, Nós e Alita Comics está.
Saúde
…e en Ferrol?
(é por non dar moitas voltas, pero agardo que en Cantón 4 estará)
…e parabéns por esta aportación!!!
En ferrol está nestas:
-Cantón
-Abecé
-Central librera
-Librería del Campus
-Estraviz
-Limiar
-Metrópolis cómics
Penso que non se me quedou ningunha.
Grazas polo interese!
A onde eu compro, a libraría Xiada na Coruña, aínda non chegaron os anteriores de Howard e Chambers.
Parabéns polo feito ata o de agora e un saúdo.
Certo é. A distribución dos títulos anteriores non chegou á Coruña por problemas loxísticos, mais estará a partir do martes da semana que ven. Realmente iamos ir hoxe distribuír Coruña, mais despois do tute que nos pegamos onte (Vigo e Pontevedra nunha soa mañá) decidimos deixalo para a semana que ven, que nos fai falla algo de descanso.
En breve habilitaremos unha sección de puntos de venda, para que o que queira poda localizar os nosos libros na súa cidade.
Saúde e grazas polo comentario!
Esta vai ser a miña primeira adquisición de Urco
Pois agardamos non decepcionarte! Grazas!
Dade as vosas opinións !!
Que vos gustou? Que non vos gustou?
A min este gustoume bastante. Unha crítica social coma nunca tiña lido (pola forma de dicilo, principalmente).
Non atopei nada malo destacábel no libro.
Saúde.
Para min (fala Tomás) o máis interesante do libro é a aparición da crítica social dentro do xénero nunha época tan temperá. Sempre se fala de que a ficción científica comeza a preocuparse pola sociedade sobre todo cara a finais dos anos 60, con figuras como Brian W. Aldiss, Ursula K. LeGuin, J.G. Ballard, Michael Moorcock ou Harlan Ellison. Para min o feito de que apareza xa con Abbott unha crítica tan clara e que foxa do paradigma do ‘astounding’ resúltame abraiante.